ხორცი ბოსტნეულით

დავჭრათ ხორცი 1 სმ-ის სისქეზე და დავბეგვოთ,მოვაყაროთ მარილი და შავი პილპილი და შევდგათ მაცივარში,სანამ ბოსტნეულს გავამაზდებთ.
დავჭრათ ხახვი ალყა-ალყა,ასევე რგოლებად დავჭრათ ბულგარული წიწაკა,თხელ ფირფიტებად დავჭრათ კარტოფილი,სოკო  და პომიდორი.
შევუდგეთ კერძის აწყობას:
მოვათავსოთ ხორცის ფირფიტები ერთ ფენად ცეცხლგამძლე ღრმა ჭურჭელში,თუ მოზრდილი ზომის კეცი გაქვთ ,ხომ საერთოდ… ხორცს მოვაყაროთ ხახვი და ბულგარული წიწაკა,მოვასხათ მაიონეზი,ზემოდან მოავაწყოთ სოკო.ფენებს შორის მარილის მოყრა არ დაგვავიწყდეს 😉
SAM_4194
სოკოს შემდეგ მოვაფინოთ კარტოფილის ფენა,მოვასხათ მაიონეზი და ბოლოს პომიდორი მოვათავსოთ და ისევ მაიონეზი მოვასხათ.

SAM_4196შევდგათ 200 გრადუსზე გახურებულ ღუმელში 30 წუთით,ამ დროის გასვლის შემდეგ მოვაყაროთ სულგუნი და 5 წუთით ისევ დავაბრუნოთ ღუმელში.

SAM_4202ოგორც კი სულგუნი დადნება და დაიბრაწება-კერძი მზადაა.
SAM_4205
მსგავსი ხერხით მომზადებულ ხორცს,ბევრგან ფრანგულს უწოდებენ,თუმცა როგორც მე ვიცი საფრანგეთთან არანაირი კავშირი არ აქვს,მაგრამ უზომოდ გემრიელი რამეა 😉
საჭიროა:
ხორცი 500 გ. ღორის, ხბოს ან ქათმის .(ამ შემთხვევაში ღორის ხორცი გამოვიყენე)
ხახვი 2 თავი.
ბულგარული წიწაკა 2 ც.
ქამა სოკო 100გ.
პომიდორი 3ც.
კარტოფილი 4ც
მაიონეზი 1 შეკვრა
სულგუნი ან ყველი 150-200გ

Реклама

ფეტვის წვნიანი (სამარხვო)

ფეტვის სასარგებლო თვისებებზე უკვე ვისაუბრე, ახლა კი გთავაზობთ წვნიანს ფეტვის დამატებით.

SAM_4167სუპის მომზადების დეტალების მოყოლით თავს არ შეგაწყენთ, არა მგონია საჭირო იყოს,მოამზადეთ წვნიანი თქვენთვის ჩვეული ბოსტნეულით და ჩვეული ხერხით,მხოლოდ ბრინჯის ან მაკარონის ნაწარმის მაგივრად დაუმატეთ წინასწარ გარეცხილი ფეტვის მარცვალი.მაგალითისთვის თუ წვნიანს ამზადებთ 2 ლიტრიანი ქვაბით მაშინ ფეტვი 2 სუფრის კოვზის ოდენობით საკამრისი იქნება.ასე გაამრავალფეროვნეთ მენიუ სასარგებლო და ჯანმრთელობისთვის აუცილებელი პროდუქტით.
იმედი მაქვს მოგეწონებათ.

ბოსტნეულის ფლავი «პერლოვკით» (შვრიის ბურღული)

  • 1 ჭიქა ბურღული მომზადებამდე სამი საათით ადრე გავრეცხოთ და ჩავალბოთ ცივ წყალში.
    ქვაბში ან ღრმა ტაფაში ცხიმში მოვშუშოთ თანმიმდევრობით-დაჭრილი ხახვი,გახეხილი სტაფილო და სასურველ ნაჭრებად დაჭრილი ბულგარული წიწაკა.დავამატოთ მომზადებული «პერლოვკა» დავასხათ 3 წიქა წყალი,დავუმატოთ გემოვნებით მარილი,ძალიან უხდება ხმელი ქინძი,ძირა და შავი პილპილი.ვხარშოთ 20 წუთის განმავლობაში დაბალ ცეცხლზე.კარგია როგორც დამოუკიდებელი კერძი, ასევე შესანიშნავი გარნირია.
    10647033_1601760473389406_8138432325996679910_n

ჩაშუშული ქათმის ფილე შტრუდლებით

image

ნამდვილად არ მოგეჩვენატ,შტრუდელი არა,სწორედ რომ შტრუდლი.შტრუდლი ძირითადად პოპულარულია ევროპის ქვეყნებში,უმეტესად გერმანიაში,უკრაინაში ნუდლის სახელითაა ცნობილი.ეს გახლავთ ცომეული,რომელიც მზადდება კერძთან ერთად,მზა ცომს ათავსებენ კერძზე რომელიც წინასწარ მზადდება,ეს შეიძლება იყოს ჩაშუშული ბოსტნეული,მაგალითად კომბოსტო,კარტოფილი და ასევე ჩაშუშულ ხორცზე,მზა ცომი თავსდება კერძის ზედაპირზე და მის ორთქლში ხდება ცომეულის მზაობამდე მიყვანა.ასევე ამზადებენ გულსართითაც.
რა თქმა უნდა ცომსაც სხვადასხვა ხერხით და რეცეპტით ამზადებენ-კვერცხით,რძით,საფუარით,საფუარის გარეშე.მე გთავაზობთ მარტივ რეცეპტს .
1 ჭიქა ხორბლის ფქვილს,შევურიე დანის წვერით მშრალი საფუარი ,მარილი და თბილი წყლით მოვზილე საშუალო სიმაგრის ცომი,გადავაფარე თავზე და დავტოვე ასაფუებლად.
ვიდრე ცომი ფუვდებოდა,ქათმის ფილე მოვამზადე ხახვით ბულგარულით და პომიდვით და რა თქმა უნდა მწვანილებით ,ყველა თავისებურად ამზადებს და არ დავკონკრეტდები.
ამასობაში ცომი აფუვდა,გავაბრტყელე მართკუთხედის ფორმა მივეცი დაახლოებით 3 მმ-ს სისქეზე,გადავუსვი ზემოდან თხლად ზეითუნის ზეთი ,გადავახვიე რულეტივით და დავჭერი 5-6 სმ. სისქის ნაჭრებად,ასეთი ფორმაც საკმარისია შტრუდლისთვის,თუმცა მე ნაჭრებს შუაგულში წვენსაწრუპი ჩხირის დაწოლით გავუკეთე ჩაღრმავება და ცოტა კიდევ უფრო სხვანაირი ფორმა მიეცა.მოვათავსე უკვე მზა კერძზე რომელიც ჯერ ისევ დუღდა დავაფარე თავსახური და ნელ ცეცხლზე ვადუღე დაახლოებით 20 წუთი.
მინდ აგითხრათ რომ 1 ჭიქა ფვილით გამოვიდა 10 ცალი შტრუდლი,ჩემი ოჯახის წევრებს ძალიან მოეწონათ და მისაყვედურეს -მეტი რატომ არ გააკეთეო 🙂

პურები იტალიური აქცენტით

puchikebi

ინტერნეტში ვნახე ასეტი პურების მომზადება და რა თქმა უნდა ძალიან დავინტერესდი და მოვამზადე.მაშ ასე,მოვამზადე ჩვეულებრივი პურის ცომი,ჩემმა მკითხველმა ალბათ უკვე იცის რომ ცომს ვზელ უცვლელი რეცეპტით-500 გრამ ფქვილზე 300-320 გრ. თბილი წყალი, 1 ჩ.კ მარილი,1 ჩ.კ. შაქარი, 1 ჩ.კ. საფუარი და 1 ს.კ. ზეთი.
როცა ამოვიდა ცომი გავაბრტყელე რაც საშუალება მომცა ცომმა დიდ მართკუთედად ,მოვასხი დაახლოებიტ 4 სუფრის კოვზი ზეითუნის ზეთი და ხელითვე გადავუსვი მთელ ცომს,მოვაყარე იტალიური სანელებლების ბაკრები რომელშიც შედის-როზმარინი,ორეგანო,ბაზილიკი და სალბი.
თუ ზუსტად ეს სანელბლები არ გექნებათ,არაა პრობლემა,ნებისმიერი თქვენთვის სასურველი გამოიყენეთ.გადავახვიე რულეტივით და გავყავი 10 ნაწილად,ხელის დაჭერით მოვნიშნე ადგილი,აი შემდეგ კი როგორ მივეცი ფორმა ამისათვის ვიდეოს ნახვა დაგჭირდებათ, რომლის ბმულსაც განვათავსებ აქვე.ირინა ხლებნიკოვას პურების რეცეპტი

ბროკოლის ბრაწულა

новый коллаж
გარჩეული და დანაწევრებული ბროკოლი მოვწალე მდუღარე წყალში 5 წუთის განმავლობაში,შემდეგ მინის ტაფას მოვუსვი კარაქი,გავანაწილე ზედ ბროკოლი და მოვაყარე გახეხიი ყველი,რაც მაცივარში მოიპოვებოდა-ცოტა ჩედარი,ცოტა ედამერი და ცოტაც სულგუნი,შემდეგ მოვასხი 100 გრამ არაჟანში ათქვეფიილ 1 ცალი კვერცხი გავანაწილე თანაბრად და ზემოდან ისევ ყველი მოვაყარე ,შევდგი 200 გრადუსზე გახურებულ ღუმელში დაახლოებით 25 წუთით.
новый коллаж

ფელამუში

IMG_20180113_213958IMG_20180113_213958 გილოცავთ ძველით ახალ წელს.მოგიყვებით როგორ ვამზადებ ფელამუში,წესით, ერთ ჭიქა ბადაგზე ვამატებთ 1ს.კ. ხორბლის ფქვილს და 1 ს.კ. სიმინდის ფქვილს,მაგრამ ბოლო პერიოდში შევცვალე და სიმინდის ფქვილის რაოდენობის ნახევარს ჩანაცვლება მანანის ბურღულით,ანუ ორ ჭიქა წვენზე თუ 2 — 2 სუფრის კოვზი სიმინდის და ხორბლის ფქვილის საჭირო,მე ვამატებ 2 ს.კ. ხორბლის,1 კ. სიმინდის და 1 სმკ. მანანის ბურღულს. ასე უფრო მსუბუქი და ნაზი გამოდის ფელამუში

სალათების და სამკაულების მოყვარულთათვის —

imagebraslet

მოგვიანებით გილოცავთ ახალ 2018 წელს ❤

საშობაოდ გთავაზობთ მოამზადოთ ეს ლამაზი სალათა.ამ ორი ლანგარგი სილამაზის მოსამზადებლად დამჭირდა:
1. მოხარშული ქათმის ფილე 2 ც.
2.მოხარშული კარტოფილი 4ც.
3მოხარშული .კვერცხი 2 ც.
4.მოხარშული სტაფილო 2ც.
5.მოხარშული ჭარხალი 2ც.

6.წვრილად დაჭრილი ნიგოზი 100გ.
7.ბროწეული (მე ორი ცალი დიდი ბროწეული დამჭირდა)
მაიონეზი 200-250გ.

 

სალათა იწყობა ფენა-ფენა,ბოსტნეული უნდა გაიხეხოს მსხვილ სახეხზე,კვერცხი წვრილზე,ქათმის ფილე ავჩეჩოთ.ლანგარზე რომელზეც უნდა ავაწყოთ ,დავდგათ ცენტრში ჭიქა,ასე სალათს სამაჯურის ფორმას მივცემთ და ჭიქის ირგვლივ დავიწყოთ აწყობა.
ფენებს შორის მარილი და შავი პილიპილი მოვაყაროთ ოდნავ.

1 ფენა-ქათმის ფილე.
2.კარტოფილი.

3.სტაფილო

4.კვერცხი.

5.ჭარხალი

6.ბროწეული
თუ თხელ ფენებს გააკეთებთ ,ორ-ორი ფენა გამოვა თითოეული ინგრედიენტი.

მაიონეზი

новый коллаж

ვიცი რომ ბევრი ამზადებს მაიონეზს საკუთარი ხელით,მაგრამ ბევრს ჯერ კიდევ  ეჭვობს ,ფიქრობს რომ რთული მოსამზადებელია.დამერწმუნეთ რთული არაფერია,ორი წუთი ზუსტად და უგემრიელესი მაიონეზი მზადაა,ყოველგვარი დანამატებ ის გარეშე.მხოლოდ მისი გამოყენება ,მომზადებიდან 4 დღის განმავლობაშია შესაძლებელი მაცივარში.

მაიონეზის მომზადებისას საჭიროა გავითვალისწონოთ რამდენიმე ნიუანსი:  ჭურჭელი რომელშიც ვამზადებთ ,უნდა იყოს მშრალი და ინ გრედიენტები მოვათავსოთ ჭურჭელში შემდეგი თანმიმდევ რობით: ჯერ ლიმონის წვენი ან ძმარი,შემდეგ მარილი და შაქარი,მოვურიოთ,შემდეგ მდოგვი ,ზეთი და ბოლოს ფრთხილად გავტეხოთ და ჩავუშვათ კვერცხი,შევეცადოთ რომ გული არ დავაზიანოთ.(კვერცხი აუცილებლად საგულდაგულოდ გარეცხილი უნდა იყოს,მე გარეცხვის შემდეგ მოვ ათავსე სოდიან ხსნარში 5წთ 1ჩ.კ. სოდა/1 ჭ.წყალი,შემდეგ კი წყალბადის ზეჟანგის ხსნარში 1ს.კ./1ჭ. წყალი).

როდესაც ყველა ინგრედიენტი მოთავსებულია ჭურჭელში,ჩავუშვათ ხელის ბლენდერის პირი ისე,რომ დავფაროთ კვერცხი და ბლენდერი ჩავრთოთ მაქსიმალურ სიჩქარეზე,არ ვამოძრავებთ ბლენდერს,გვიჭირავს ჭურჭლის ფსკერზე,სადღაც 1 წუთის განმავლობაში  დავინახავთ ,რომ ამსა უკვე იღებს ემულსიის კონსისტენციას,თეთრდება და სქელდება,ნელი მოძრაობით ვწევთ ბლენდერს ოდნავც ზემოთ,და ასე ვიქცევით სანამ ზეთი მთლიანად არ აითქვიფება.მოსაყოლად მეტი დრო დამჭირდა ვიდრე მოსამზადებლად 🙂

საჭირო ინ გრედიენტები:

კვერცხი 1ც.

ლიმონის წვენი ან ძმარი 1ს.კ.
მარილი 0,5ჩ.კ.

შაქარი 1ჩ.კ.
მდოგვი 1ჩ.კ. (გამოიყენეთ მზა მდოგვი და არა მდოგვის ფხვნილი)

ზეთი 150გ.

 

ნამცხვარი «ჟერბო»

новый коллаж.jpg

ნამცხვარი ჩემი მომზადებულია,ხოლო კაფეს ფოტო ინტერნეტიდანაა აღებული.
ეს გახლავთ უნგრული ნამცხვარი «ჟერბო»,რომელსაც დიდი ისტორია აქვს.
კაფე «ჟერბო» რომლის საფირმო ნამცხვარსაც ახლა წარმოგიდგენთ,ანტალ კუგლერმა გახსნა 1858 წელს.მისმა შვილმა ჰენრიხ კუგლერმა კი ,რომელმაც საკონდტრო საქმეს ევროპის სხვადასხვა ქვეყანაში დაეუფლა,გააგრძელა მამის საქმიანობა და კიდევ უფრო გააფართოვა და ბუდაპეშტში გახსნა საკონდიტრო.
1882 წელს კუგლერმა თავის საკონდიტროში მოიწვია იმ დროისტვის სახელგანთქმული კონდიტერი ემილ ჟერბო,სწორედ ჟერბომ გამოიგონა დღეს უკვე ყველასტვის საყვარელი ნუგბარი ალუბალი შოკოლადში ,და ნამცხვარი «ჟერბო»,თავად კონდიტერი ჟერბო არასდროს ასაიდომლოებდა თავის შექმნილ რეცეპტებს.მას იწვევდნენ ჟიურის წევრად  საერთაშორისო გამოფენებზე ბრუსელსა და პარიზში.
მინდოდა მოკლედ მომეყოლა ეს ყველაფერი,მაგრამ გამიგრძელდა.ახლა კი რაც შეეხება ნამცხვარს,თითქოს გავს ჩვენთვის ჩვეულ ჩეხურ ფაჰლავას,მაგრამ ცომიც და გულსართიც განსხვავებულია.მოსამზადებლად დაგვჭირდება:
ცომისათვის:

ფქვილი 500გ.

შაქრი 100გ.

კაარქი 200გ.

კვერცხი 1ც.

რძე 50მლ.

მარილი

მშრალი საფუარი 10გ.
გამაფხვიერებელი 5გ (დიახ,დიახ,საფუარიც და გამაფხვიერებელიც)

გულსართისათვის:
ჯემი 200გ.(ორიგინალში გარგარის ჯემია,მე არ მქონდა და მსხლის გამოვიყენე)
ხორცსაკეპმანქანაში გატარებული ნიგოზი 200გ.

შაქარი 150გ.

მინანქარისათვის;

შოკოლადის ფილა 1ც.
რძე 50 მლ.

კარაქი  30გ.

თბილ რძეში გავხსნათ საფუარი,გავადნოთ კარაქი,ავთქვიფოთ კვერცხი მწიკვ მარილთან  და შაქრით,დავამატოთ კარაქი,შემდეგ რძე ,ფქვილი(აუცილებლად გაცრილი) და გამაფხვიერებელი,მოვზილოთ ცომი,ცომი გამოდის ნაზი და ისეთი კონსისტენციის ,რომელსაც ადვილად გავაბრტყელებთ.შევახვიოთ ცელოფანში და დავდოთ თბილ ადგილას 30 წუთით,ცომი არ აფუვდება ძალიან,უბრალოდ საჭირო კონსისტენციას მიიღებს.

მოვამზადოთ გულსართი-შევურიოთ ჯემი,ნიგოზი და შაქარი -სულ ესაა.

ნახევარი საატის შემდეგ ცომი გავყოთ სამ ტოლ ნაწილად,დაახლოებით გამოდის 900 გრამი მთლიანი გუნდა + — 30 გ ,ანუ თითო გუნდა მინიმუმ 300 გრამი გამოვა.გავაბრტყელოთ მართკუთხედის ზომის ფირფიტა ზომიტ 30/20სმ-ზე,მოვათავსოთ ცხიმწასმულ საცხობ ფორმაზე,აუცილებელი არაა ზუსტად ამ ზომის იყოს ფორმა,თუნდაც დიდი იყოს არ აქვს მნიშვნელობა,მთავარია ფირფიტები გააბრტყელოთ ზომით.წავუსვათ პირველ ფირფიტას გულსართი,მეორე გუნდაც ანალოგიურად გავაბრტყელოთ,დავჩხვლიტოთ ჩანგლით ალაგ-ალაგ,რომ ცხობისას არ ამოიბურცოს უშნოდ,გადავუსვათ გულსართის მეორე ნაწილიც,ზემოდან ისევ მესამე ფირფიტა კიდეები ოდნავ ხელით დავუფიქსიროთ,რომ სამივე ფირფიტის კიდე შეერთდეს ,ასევე დავჩხვლიტოთ და დავტოვოთ ასე ნახევარი საათით,შემდეგ კი გამოვაცხოთ 200 გრადუსზე 30 წუთის განმავლობაში.
მინანქარი; ორთქლის აბაზანაზე გავადნოთ შოკოლადი,შემდეგ დავამატოთ რძე და ბოლოს კარაქი,მიღებული მინანქარი მოვასხათ ნამცხვარს.

 

კომბოსტოს შნიცელი

imagekombo
1.კომბოსტო პატარა თავი
2.კვერცხი 1ც.
3.ზეთი შესაწვავად
4.საფანელი.

ავიღოთ კომბოსტო და დავჭრათ 6 ამ რვა ნაწილად ისე,რომ ქვედა მხარეს სადაც ყუნწთან ფოთლებია შეერთებული,არ დავაშოროთ ერთმანეთს და ნაჭერმა შეინარჩუნოს მთლიანობა.მიღებული ნაჭრები მოვათავსოთ 4-5 წუთის განმავლობაში მდუღარე წყალში,ვადუღოთ ნელ ცეცხლე,ამოვიღოთ წყლიდან,დავწრიტოთ სითხისგან.
ავთქვიფოთ კვერცხი მარილთან ერთად,ამოვავლოთ კომბოსტო ჯერ კვერცხში,შემდეგ საფანელში,იგივე გავიმეოროთ მეორეჯერაც,კვერცხი-საფანელი და შევწვათ ცხელ ზეთში ყველა მხრიდან.

ამრილსა და საფანელში შეგიძლიათ თქვენთვის სასურველი სანელებლე ბი დაამატოთ,პილპილი და ა.შ.

 

პომანდერი (ფოტოები ინტერნეტიდან)

გთავაზობთ პომანდერის მომზადების იდეას,პომანდერს თავდაპირველად ამზადებდნენ ინგლისში,არა მხოლოდ ფორთოხლით,არამედ ლიმონით და ვაშლითაც კი.ვაშლიანი პომანდერი ჰქონდათ მოსამართლეების სამუშაო ოთხაში ჩამოკიდებული,იმ მიზნით რომ,მიხაკი და ვაშლის არომატი გონებას ასე ვთქვათ ანათებს და მოსამართლეებს ეხმარებოდა საღი გადაწყვეტილების მიღებაში,ახლა კი მას აკეთებენ როგორც საახალწლო დეკორს და ჰაერის არომატიზატორს,საკმარისია აიღოთ მოცემული ხილი და ჩაარჭოთ მასში მიხაკის «ლურსმნები»,მოათავსოთ ლანგარზე ან გაუკეტოთ საკიდი და მორთოთ ნაძვის ხე.მე ყოველი ახალი წლის წინ რამდენიმე წელია უკვე ასეც ვიქცევი და ლარნაკში ვათავსებ,ინახება და ინარჩუნებს თავის თვისებებს 6 თვის განმავლობაში

კვერცხის პაშტეტი

imagepashteti

ზოგი წეყარო იუწყება,რომ ეს პაშტეტი ფრანგულია,ზოგან კი წერენ,რომ უნგრულია,მგონი გემრიელობას მნიშვნელობა არ აქვს,ამიტომ გთავაზობთ მოამზადოთ ეს პაშტეტი.რაც მთავარია სწრაფად და მარტივად მზადდება.ინახება მაცივარში და შესანიშნავია საუზმეზე ბუტერბროების მოსამზადებლად.

დაგვჭირდება:
ხახვი 2 თავი (მოზრდილი ზომის)
კვერცხი 4ც.
ნიგოზი 50გ.

ნიორი 2 ლებანი.
ზეთი 2ს.კ.

მარილი გემოვნებით.
ვკერცხი მოვხარშოთ და გავფცქვნათ,ხახვი შევბვრაწოთ ზეთში,მოვათავსოთ ჭურჭელში კვერცხი,ხახვი,ნიორი და ნიგოზი და დავაბლენდეროთ სანამ ერთგვაროვან მასად არ იქცევა.თუ ბლენდერის გარეშე ვამზადებთ,მაშინ ყველაფერი გავატაროთ ხორცსაკეპ მანქანაში.მომზადებული პაშტეტი გავაჩეროთ 2 საათით მაცივარში და მზადაა 🙂